Худалдан авах ажиллагаа
Клин Энержи Ази ХХК нь үйл ажиллагаандаа олон улсын шилдэг туршлагыг нутагшуулахын зэрэгцээ үндэсний хөгжлийг дэмжсэн, хариуцлагатай худалдан авалтын тогтолцоог эрхэмлэн ажилладаг. Бид бараа, ажил, үйлчилгээ худалдан авахдаа шударга өрсөлдөөн, ил тод байдал, үр ашиг, чанарын баталгааг хангах үндсэн зарчмуудыг баримталж, нийлүүлэгчдийн хувьд тэгш, шударга боломж бүхий орчныг бүрдүүлэхийг зорьдог.
Худалдан авалтын бүхий л үйл явц нь хэрэгцээг оновчтой тодорхойлохоос эхлэн, нийлүүлэгч сонгон шалгаруулах, гэрээ байгуулах, гүйцэтгэлийг хянах, үнэлэх хүртэл шат дараалсан, нээлттэй, хяналттай байдлаар явагддаг. Мөн бид нийлүүлэгчидтэйгээ харилцан итгэлцэл, ёс зүй, нийгмийн хариуцлагад суурилсан хамтын ажиллагааг хөгжүүлэн, дотоодын үйлдвэрлэгчдийг чадавхжуулахад хувь нэмрээ оруулахыг зорьдог.
Клин Энержи Ази ХХК нь худалдан авах ажиллагааны ил тод, тогтвортой, шударга орчныг бүрдүүлж, өндөр чанартай ханган нийлүүлэлтийг бий болгоход онцгой ач холбогдол өгдөг бөгөөд энэ нь манай хариуцлагатай, тогтвортой хөгжлийн бодлогын салшгүй хэсэг юм.
Манай худалдан авалтын үндсэн зарчим:
Шударга өрсөлдөөн — Нийлүүлэгчид тэгш боломжоор өрсөлдөх нөхцөл бүрдүүлнэ
Ил тод байдал — Үйл явц, шалгуур, шийдвэрийг ойлгомжтой, ил тод байлгах
Үр ашиг, хэмнэлт — Зөв бүтээгдэхүүнийг, зөв үнээр, зөв хугацаанд худалдан авах
Чанарын баталгаа — Техникийн шаардлага, стандартын дагуу чанартай бүтээгдэхүүн, үйлчилгээ авах
Хамтын ажиллагаа — Урт хугацааны, итгэлцэлд суурилсан харилцааг ханган ажиллана
Худалдан авалтын үйл явц дараах үе шаттай явагдана:
1. Хэрэгцээ тодорхойлох
2. Техникийн даалгавар, тендерийн бичиг баримт боловсруулах
3. Нийлүүлэгч сонгон шалгаруулах (шаардлагатай бол тендер, үнийн санал авах замаар)
4. Гэрээ байгуулах, гүйцэтгэлийг хянах
5. Бараа/ажил/үйлчилгээг хүлээн авах, гүйцэтгэлд үнэлгээ хийх
Нийлүүлэгчтэй хамтран ажиллах бодлого
Бид харилцан ашигтай, урт хугацааны хамтын ажиллагаанд тулгуурлан:
Шударга, ёс зүйтэй, хариуцлагатай нийлүүлэгчидтэй ажиллахыг эрхэмлэдэг
Байгаль орчинд ээлтэй, нийгмийн хариуцлагатай үйл ажиллагааг дэмждэг
Дотоодын үйлдвэрлэгч, үйлчилгээ үзүүлэгчдийг чадавхижуулахад анхаардаг
.gif)
